Erabiltzaileen gunea

Espediente lekualdaketa eta matrikula lekualdaketa

Ikasleriak bere hizkuntza ikasketak edozein HEOetan jarrai ditzake.

HHEEOO guztiek ez dituzte hizkuntza edo maila berberak eskaintzen, ezta ordutegi berberak ere. Horregatik jatorrizko HEOean lekualdaketa eskatu baino lehen, komenigarria da helmugako HEOean epe eta baldintzen berri jasotzea.


Argibide orokorrak

Iruñeko Hizkuntza Eskola Ofiziala (IHEO) helduentzako hizkuntzen irakaskuntza espezializatuko zentroa da. 

Gaur egun hizkuntza hauek irakasten dira:

Hizkuntza ofizialak:

AlemanaEuskaraFrantsesaIngelesa eta Italiera.

Beste hizkuntzak:

TxineraJaponiera eta Espainiera atzerritarrentzat.


Matrikulatzeko moduak (2020-2021)

Irakaskuntza arautua

OfizialaPresentzialak
Erdipresentziazkoak
Trinkoak
Urtebeteko ikastaro malgutuak
Klasera joateko eskubidea (1)Azterketa eskubideaTitulu ofiziala
Librea—-—-Azterketa eskubideaTitulu ofiziala

Ikasle ofizialek klasera erregulartasunez joateko obligazioa dute. Hutsegiteak kontrolatuko dira.

(1) Pandemiaren bilakaera dela eta 2020-2021 ikasturtean aldaketak egon daitezke. Nafarroako Gobernuko Hezkuntza Departamentuak eta Osasunbideak emandako gomendioak jarraituko ditugu. Osasun gomendioen arabera irakaskuntza jarduera egokitzeko eszenatoki desberdinetan ari gara lanean. Gure asmoa aurrez aurreko irakaskuntzarekin hastea da, eskolak dituen baliabideen arabera (guneak, irakasleak…), osasun testuingurua dela eta baldintza horietan aldaketak egon daitezke. Garrantzitsua da baldintza horiek kontutan hartzea matrikula burutu baino lehen.

Ikasturte berean bakarrik modalitate batean (ofizial edo libre) matrikula daiteke hizkuntza bakoitzeko.

Eskolak modalitate hibridoan

Ikasturte hasiera: Ikasleen artean segurtasun tartea (1,5 m) gorde ezin den taldeetan, eskolak modalitate hibridoan emanen dira. 

Zer da modalitate hibridoa: Segurtasun tartea mantendu ahal izateko, irakaskuntza txandaka antolatuko da, irakaskuntza presentziala eta telematikoa konbinatuz, eta betiere ikasle guztiek saio presentzial kopuru berbera jasoko dutela bermatuko da. 

Nola antolatuko da: Taldearen erdiak klasea ikasgelan bertan jarraituko du eta beste erdiak etxetik, aldi berean, zuzeneko jarduerak eta aurrez grabatutako jarduerak tartekatuz.

Klasera hutsegiteak: Asistentzia derrigorrezkoa da. Zerrenda egunero pasatuko da bai klasea bertatik bertara jarraitzen duten ikasleen artean bai etxetik jarraitzen dutenen artean ere. 

Taldea osatzen ez bada:

  • Ikasturtearen hasiera: Taldeak 13 ikasle baino gehiago ez baditu, klasea presentziazkoa izango da. 
  • Ikasturtean zehar: Talde bakoitzeko ikasle-kopurua murrizten bada, ohiko saio presentzialetara itzuliko gara, modalitate erdipresentzialean izan ezik.

Lehen eskola-egunean:

Txandak ezarriko dira

Lehen eskola-egunean, eskolara joango zara. Zure irakasleak Arreta ez-presentzialeko planaren eta ikasturte osoan zehar erabiliko duen plataforma digitalaren berri emango dizu, Google Classroom edo Moodle. 

Gaurkotze eta hobetze ikastaroak (Moduluak)

Gaurkotze eta hobetze ikastaroakKlasera joateko eskubidea (1)Etortze edo aprobetxamendu ziurtagiria

IHEOak antolatutako bestelako jarduerak

Beste hizkuntzakKlasera joateko eskubidea Etortze edo aprobetxamendu ziurtagiria
Mintza taldeakKlasera joateko eskubidea —-
TailerrakKlasera joateko eskubidea —-
Udako ikastaroakKlasera joateko eskubidea Etortze edo aprobetxamendu ziurtagiria

2020-2021 ikasturterako Ikasketa plana (Irakaskuntza arautua)

2020-2021 ikasturterako Ikasketa Plan hau hiru mailetan banatuko da:

  • a) Oinarrizko Maila: bi mailaz osatuta (EEMBaren A1 eta A2).
  • b) Tarteko Maila: hiru mailaz osatua (EEMBaren B1, B2.1 eta B2.2)
  • c) Maila Aurreratua: hiru mailaz osatuta (EEMBaren C1, C2.1 eta C2.2)

Maila bakoitza bukatu eta gero, ikasleek dagokion ziurtagiria eskatu ahal izanen dute:

  • a) Oinarrizko Maila: A2ko ziurtagiria
  • b) Tarteko Maila*: B1 eta/edo B2ko ziurtagiriak *Trebetasun bat edo gehiago gainditu duen ikasleak, hori egiaztatzen duen ziurtagiria eska dezake.
  • c) Maila Aurreratua*:C1eko eta/edo C2ko ziurtagiria *Trebetasun bat edo gehiago gainditu duen ikasleak, hori egiaztatzen duen ziurtagiria eska dezake.

Matrikulatu ahal izateko betebeharrak (2020-2021)

Ikasle ofizialak, libreak eta gaurkotze eta hobetze ikastaroak:

  • Hizkuntza ikasketetan sartzeko, nahitaezkoa izanen da hamasei urte beteak izatea ikasketak hasten diren urtean. Hamalau urtetik goitikoak ere sartzen ahalko dira, Derrigorrezko Bigarren Hezkuntzan atzerriko lehen hizkuntza gisa ikasitakoa ez den beste hizkuntza bateko irakaskuntzak egiteko.

Beste hizkuntzetako ikasleak, mintza taldeak eta tailerrak:

  • Kasu bakoitzean araudi zehatza begiratu.


Ikasleria hartzeko prozedura (2020-2021)

Irakaskuntza arautua:

  • Eskolan jarraitzea honako ikasleri honi bermatzen zaio: aurreko ikasturteko ikasleri ofizialari (maila gainditu edo errepikatzen duenari), beti ere ofizialtasuna galdu ez badu, eta leku erreserba duen matrikulari uko egitea onartu zaion ikasleriari. Ez da ordutegia bermatzen.
  • Gainontzekoek, web orri honetan argitaratutako matrikula prozesua jarraitu beharko dute.

Kasu bakoitzean, IHEOak egutegi eta araudi bereziak argitaratuko ditu.

Gaurkotze eta hobetze ikastaroak:

  • Ikasleriak web orri honetan argitaratutako matrikula prozesua jarraitu beharko du.

IHEOak antolatutako bestelako jarduerak:

  • Kasu bakoitzean araudi zehatza begiratu.