Ikasle adingabeak

- Ikasleak -

Iruñeko HEO hizkuntzak irakasteko zentro publiko bat da, helduentzat. Hizkuntzen irakaskuntzak jasotzeko, nahitaezkoa da hamasei urte beteta izatea ikasketak hasten diren urtean. Hala ere, hamalau urtetik gorakoek ere jaso ahal izango dituzte Derrigorrezko Bigarren Hezkuntzan atzerriko lehen hizkuntza ikasten ari ez den beste hizkuntza bat ikasteko. 

Iruñeko HEOk bi modutan ohartarazten die ikasleei irakasle batek ezin duenean klase bat eman, izan aldez aurretik abisatu badu, izan ustekabean suertatu bada: batetik, SMS bat bidaltzen da, eta, bestetik, eskolako webgunean jakinarazten da. Gainera, atezaindegiak haren berri ematen die abisua ikusi ez eta eskolara joan direnei.

Ikasle adingabe batek klasea amaitu baino lehen alde egin behar badu eskolatik, gurasoek edo legezko tutoreek baimen bat sinatu beharko dute. Baimen hori irakaslearen e-helbidera bidal dezakete, edo, bestela, adingabeak berak eman dezake egun berean.

Dokumentazioa eskolako webgunean dago eskuragarri. Handik deskargatu eta bete daiteke, beharren arabera.

Gurasoen edo legezko tutoreen ardura da adingabeen ez-agertzeak kontrolatzea. Horretarako, adingabearen erabiltzaile-eremura sartu behar dute. 

Halaber, legezko arduradunek eskubidea dute ikasle adingabearen aurrerapen akademikoei buruzko informazioa eskatzeko, egokitzat jotzen dutenean, eta irakasleek mezu elektroniko bat bidali beharko diete adingabearen legezko arduradunei aurrerapenen berri izan dezaten.

 

  • Adingabe batek izena eman ahal izateko, beharrezkoa da bere legezko arduradunaren datuak (NANa, telefono-zenbakia eta helbide elektronikoa) jasota geratzea. Eskatutako dokumentazio guztia fase horretan ematen ez bada, ezin da matrikulatzeko prozesua amaitu.
  • Irakaslea bertaratuko ez balitz ustekabeko arrazoiak direla eta, ezinbestekoa da adingabearen legezko arduradunak dokumentua irakurri eta baimentzea, bestela adingabeak ezin izango du eskolatik alde egin.

 

  • Irakasleek ezin izango diete ikasle adingabeei klasea amaitu baino lehen irteteko baimena eman, salbu eta:
  • Legezko tutoreek ikasle adingabearen aurrerapen akademikoei buruzko informazioa jasoko dute:
    • irakasleek egoki deritzoten bakoitzean
    • hala eskatu duten guztietan, ikasleen arretarako orduetan edo posta elektronikoz egindako eskaera bati erantzunez.
  • Eskolatik zerbait ofizialki jakinarazten den guztietan, izan posta elektronikoz, izan SMS bidez, mezu bera bidaliko zaie matrikulatutako adingabeari nahiz legezko arduradunak matrikulatzeko fasean eman duen kontaktuari.

 

volver_arriba