VI. LEHIAKETA “Poesia liburuen tituluekin”
Liburuaren Eguna izanen da apirilaren 23an, eta hori ospatzeko, Iruñeko Hizkuntza Eskolak Poesia liburuen tituluekin izeneko literatura lehiaketa antolatu du, hau da, liburu batzuen tituluak erabiliz zentzua duen esaldi bat sortzea da helburua.
Poesia liburuen izenburuekin
Literatura pixka bat gustatzen bazaigu eta liburu artean denbora tarte batzuk eman baditugu, segur aski zer liburu irakurri ditugun ikusita asma liteke nolakoak garen. Ez da definitzen gaituen gauza bakarra, jakina, baina elkarren ondoan edo elkarren gainean paratuko bagenitu gustatu zaizkigun eta gustatu ez zaizkigun liburuak, irakurri ditugunak, erosi bai baina oraindik irakurri ez ditugunak eta noizbait erosi eta irakurri nahi genituzkeenak, juntatuko bagenitu biziki gomendatu ditugun liburuak eta basaki kritikatu ditugunak, bada, seguruenik gure potreta moduko bat aterako litzateke.
Apiril honetan, horixe eskatu nahi dizuegu guk ere, alegia liburuak elkartzea, bata bertzearen gainean paratzea, izenburuekin ustekabeko poesia sor dadin. Eta, akaso, sortuko den poesia hori zuen erretratu txiki bat izanen da. Edo ez. Baina, beti bezala, parte hartuz gozatzearekin batera, sari bat irabazteko aukera ere izanen duzu. Ikusi oinarriak hemen.